काठमाण्डौ । कोरोना सङ्क्रमणका कारण नेपालमा पछिल्लो २४ घण्टामा ज्यान गुमाउनेको सङ्ख्या शून्य भएको छ । स्वास्थ्य तथा जनसङ्ख्या मन्त्रालयका अनुसार हिंजो बुधवार तीन जनाको ज्यान गएकोमा पछिल्लो २४ घण्टामा कसैको पनि ज्यान गएको छैन ।
नेपालमा कोरोना भाइरसको सङ्क्रमणका कारण अहिलेसम्म दुई हजार २० जनाको ज्यान गएको छ । यस्तै पछिल्लो २४ घण्टामा दुई सय १३ जनामा सङ्क्रमण पुष्टि भएसँगै नेपालमा कोरोना सङ्क्रमण पुष्टि हुनेको सङ्ख्या दुई लाख ७० हजार पाँच सय ८८ पुगेको छ । यस्तै थप दुई सय ९६ जना निको भएसँगै कोरोनामुक्त हुनेको सङ्ख्या दुई लाख ६५ हजार तीन सय ६५ पुगेको छ ।
अब नेपालमा ३२ सय तीन जना सक्रिय सङ्क्रमित रहेका छन् । पछिल्लो समय कोरोना जाँचको संख्या पनी न्युन हुँदै गएको छ ।