अन्तिम समयमा आत्मघाती गोल गरेपछि स्पेनिस ला लिगामा एट्लेटिकाे बिल्वाओ पराजित भएको छ । बिल्वाओ घरेलु टोली रियल मलोर्कासँग ३–२ गोलले पराजित भएको हो ।
मलोर्काको जितमा साल्भा सेभिल्ला र एन्जल रोड्रिग्वेजले एक/एक गोल गरे ।
त्यस्तै बिल्वाओका राहुल गार्सिया र एलेक्स बेरेनगुएरले एक/एक गोल गरे । खेल सकिन दुई मिनेटमा बाँकी रहँदा गोलरक्षक युनाइ सिमोनले आत्मघाती गोल गरेपछि बिल्वाओ पराजित भयो । यो हारसँगै बिल्वाओ २४ खेलबाट ३४ अङ्क जोडेर अङ्कतालिकाको आठौँ स्थानमा रहेको छ ।
मलोर्का २३ खेलबाट २६ अङ्क जोडेर १५औँ स्थानमा छ ।