अर्घाखाँची । अर्घाखाँची जिल्लाको सन्धिखर्कबाट ७ जना बन्दकर्ता पक्राउ परेका छन । पक्राउ पर्नेमा अखिल क्रान्तिकारीका कार्यवाहक अध्यक्ष पदम नेपाली सहित ६ जना र अखिल छैठौका अध्यक्ष जीवन नेपाली सहित अन्य एक जना रहेको प्रहरीले जनाएको छ ।
बर्तमान सरकारले एमसिसी पास गरेपछि त्यसको विरोेधमा संयुक्त मोर्चाले विरोधको कार्यक्रम अनुसार आज नेपाल बन्दको घोषणा गरेको थियो । बन्दको पुर्ण रुपमा पालना गनुपर्ने भन्दै बन्द गर्न सडकमा हिडेका नेता कार्यकर्तालाई प्रहरीले पक्राउ गरेको हो ।
बन्दकर्ताले सडक बन्द गराउदै उछ्रिङ्खल एवं अराजक गतिबिधि गरेको नियन्त्रणमा लिनु परेको जिल्ला प्रहरी कार्यालयका सुचना अधिकारी प्रहरी निरिक्षक गणेश खनालले जानकारी दिए । उनका अनुसार बन्दकर्तालाई अराजक गतिबिधि नगर्न सुचित गर्दा समेत नटेरे पछि नियन्त्रणमा लिईएको हो ।