विराटनगरमा ‘फर्स्ट फ्लाएर्स फिल्म अवार्ड-२०७९’को आयोजना हुने भएको छ । ओजस फिल्मस् एण्ड इन्टरटेनमेन्टले साइमन फिल्म्स, मुम्बईको डिजाइनमा पहिलोपटक यो अवार्डको आयोजना गर्न लागेको हो ।
आगामी वर्षको वैशाख २४ गते विराटनगरमा यो अवार्ड हुन लागेको काठमाडौंमा पत्रकार सम्मेलन गरी जानकारी दिइएको छ ।
कार्यक्रममा प्रमुख अतिथिको रुपमा उपस्थित भएका अभिनेता सरोज खनालले काठमाडौंमा मात्र अवार्ड कार्यक्रम आयोजना भइरहेको समयमा मोफसलमा यस्तो कार्यक्रम हुनु खुसीको कुरा भएको बताए । निर्देशक तथा कलाकार दीपाश्री निरौलाले पनि विराटनगरमा अवार्ड आयोजना हुन लागेको सुन्दा आफू निक्कै खुसी भएको बताइन् ।
चलचित्र सम्बन्धी विभिन्न २१ विधामा अवार्ड प्रदान गरिने आयोजकले जनाएको छ । २०७६ देखि २०७८ चैत्रभित्र प्रदर्शन भएका चलचित्रहरु सहभागी हुने अवार्डको उत्कृष्ट पाँच मनोनयन केही समयपछि सार्वजनिक गरिने जानकारी दिइयो ।