रुस र युक्रेन दोस्रो चरणको वार्तामा जुट्दै, रुसमा रहेको युक्रेनको दूतावासबाट झण्डा हटाइयो

रुस र युक्रेन दोस्रो चरणको वार्तामा जुट्दै, रुसमा रहेको युक्रेनको दूतावासबाट झण्डा हटाइयो

रुस र युक्रेन दोस्रो चरणको वार्तामा जुट्दैछन् । यो वार्ता बेलारुसको बेलोभेज्स्काया पुस्चामा हुँदैछ ।

युक्रेनको प्रतिनिधिमण्डल रुससँगको दोस्रो चरणको वार्ताका लागि प्रस्थान गरेको रोयटर्सले जनाएको छ । तर आ–आफ्नै अडानका कारण दोस्रो चरणको वार्ता सकारात्मक हुने सम्भावना कम छ । रुसले गएको बिहीवारदेखि युक्रेनमा आक्रमण सुरु गरेको हो ।

आक्रमण रोकिएको छैन । युक्रेनका मुख्य सहरमा आक्रमणका घटना भइरहेका छन् । आक्रमण सुरु भएको पाँचौँ दिन पहिलो चरणमा वार्ता भए पनि सहमति हुन सकेन । युक्रेनले रुसले युद्ध रोक्नुपर्ने र आफ्ना सेना फिर्ता गर्नुपर्ने अडान राख्दै आएको छ ।

रुस र युक्रेनका बीच युद्ध र वार्ता भइरहेका बेला रुसमा रहेको युक्रेनको दूतावासमा राखिएको झण्डा हटाइएको छ । झण्डा हटाउन गएकाहरूले दूतावासको मुख्य प्रवेशद्वार समेत बन्द गरेका छन् । विश्वका धेरै देशले रुसले युक्रेन माथि गरेको आक्रमणको विरोध गरेका छन् ।

युक्रेनले अन्तर्राष्ट्रिय समुदायसँग थप सहयोगको आग्रह पनि गरेको छ ।

तपाईकाे प्रतिक्रिया

  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

bhim bc

Leave a Reply

Your email address will not be published.