यूईएफए च्याम्पियन्स लिग फुटबलको क्वाटर फाइनल ‘ड्र’ सार्वजनिक भएको छ।
यूईएफएले हिजो सार्वजनिक गरेको ‘ड्र’ अनुसार सेमिफाइनल पुग्न साविक विजेता चेल्सीले रियल मड्रिडसँग खेल्नेछ । यस्तै क्वाटर फाइनलमा म्यानचेस्टर सिटीले एट्लेटिको मड्रिडसँग, लिभरपुलले बेन्फिकासँग र बायर्न म्युनिखले भिल्लारियलसँग खेल्ने भएको छ ।
क्वाटर फाइनलको पहिलो लेग अप्रिल ५ र ६ मा हुनेछ । त्यस्तै दोस्रो लेग अप्रिल १२ र १३ मा हुनेछ । सेमिफाइनलको पहिलो लेग अप्रिल २६ र २७ तथा दोस्रो लेग मे ३ र ४ मा हुनेछ । च्याम्पियन्स लिगको फाइनल खेल फ्रान्समा मे २८ मा हुनेछ।