बुटवल । गायिका अस्मिता अधिकारीको स्वर रहेको ‘सम्झना’ बोलको गीतको भिडियो सार्वजनिक गरिएको छ । लक्ष्मण पाण्डेको शब्द रहेको गीतमा गीतकार पाण्डेकै संगीत शृजना रहेको छ ।
पेशाले निजामती कर्मचारी पाण्डे शुद्धोधन गाउपालिका, रुपन्देहीमा लेखा अधिकृतको रुपमा कार्यरत छन् ।
टिकटकबाट मोडलिगंमा आएकी सुन्दरी मोडल गीत ढुंगाना र दिनेश कठायतको अभिनय रहेको भिडियोमा प्रेमीकाले आफ्नो दिलको राजकुमारलाई सम्झेको रमाइलो पललाई निर्देशक बिक्रम चौहानले कलात्मक शैलीमा भिडियोमा देखाएका छन् ।
कमल सौरागको एरेन्ज रहेको गीतको कोरियोग्राफी निर्देशक स्वयमको हो । लक्ष्मण चौहानको सम्पादन रहेको भिडियोको छायांकन प्रकाश खड्काले गरेका हुन् ।