कपिलवस्तुको विजयनगरमा माछा मार्ने क्रममा खोलामा डुबेर एक जनाको मृत्यु भएको छ। विजयनगर गाउँपालिका-१ का ४५ वर्षीय जोक बहादुर खन्गाहाको माछा मार्ने क्रममा चिरही खोलामा डुवेर मृत्यु भएको हो।
इलाका प्रहरी कार्यलय गणेशपुरका प्रहरी नायव उपरीक्षक विजयराज तिमल्सीनाले शनिबार साँझ माछा मार्न खोलामा गएका खन्गााहालाई खोलामा डुबेको अवस्थामा स्थानीयले देखे पछि प्रहरीलाई खबर गरेको बताए। खन्गाहाको शवलाई पोस्टमार्टमका लागि बहादुरगंज लगिएको प्रहरीले जनाएको छ।
शवलाई पोस्टमार्टम गरी आफन्तको जिम्मा लगाईने बताइएको छ।