चर्चित गायिका इन्दिरा जोशी मंगलबार विवाह बन्धनमा बाँधिदै छिन् । उनले प्रेमी शरद केडियासँग लगनगाँठो कस्न लागेकी हुन् । आइतबार इन्स्टाग्राममा विवाहको मिति तोकिएको कार्ड सार्वजनिक गर्दै उनले विवाह जानकारी दिएकी थिइन् ।
आइतबार नै उनको विवाह अगाडि गरिने हल्दी कार्यक्रम समेत आयोजना भएको थियो । परिवारका केही सदस्यको उपस्थितिमा आफ्नो हल्दी समारोह गरिएको र त्यो एकदमै राम्रो भएको उनले सामाजिक संजालबाट जानकारी दिएकी छन् । मेरो बगैँचामा हल्दी कार्यक्रम आयोजना भयो ।
हामीले यसलाई सरल र आत्मीय राख्ने निर्णय गरेका छौँ,’ उनले भनेकी छन्, ‘धेरै सन्देश र शुभकामना प्राप्त गर्दैछु । माया र आशीर्वादका लागि सबैलाई धन्यवाद ।’ केही समय अघि उनले हेलिकोप्टर मार्फत् सगरमाथा आधार शिविर गएर प्रपोजलको तस्बिर साझा गरेकी थिइन् ।