कपिलवस्तुको गौडीचोकमा टिप्परको ठक्करबाट एक साइकल यात्रीको मृत्यु भएको छ। कपिलवस्तु नगरपालिका-३, भिक्षुचोक बस्ने ४० वर्षीय फुलचन्द गुप्ताको टिप्परको ठक्करबाट ज्यान गएको हो।
टिपरको ठक्करबाट गम्भीर घाइते भएका उनको उपचारको क्रममा जिल्ला अस्पताल तौलिहवामा मृत्यु भएको प्रहरीले जनाएको छ। भैरहवाबाट गोरुसिङ्गेतर्फ जाँदै गरेको बागमती प्रदेश ०३००१ क ०३०९ नम्बरको टिप्परले गुप्ताले चलाईरहेको साइकललाई ठक्कर दिएको हो।
टिप्पर र चालकलाई प्रहरी कार्यालय तौलिहवाले नियन्त्रणमा लिएको छ।