सर्पले टोक्दा एक जनाको ज्यान गयाे
दाङमा सर्पले टोक्दा एक जनाको ज्यान गएको छ । सर्पले डस्दा अर्का एक जना बिरामी भएका छन् । सर्पले टोकेर दाङको राप्ती गाउँपालिका २ लालमटियाका ६८ वर्षीया सुमित्रा कुमालको ज्यान गएको जिल्ला प्रहरी कार्यालय दाङले जनाएको छ । कुमाललाई हिजो आफ्नै बारीमा सर्पले डसेको थियो ।
यस्तै सर्पले डस्दा घोराही उपमहानगरपालिका १३ वनगाउँ बस्ने प्रदीप बुढामगर बिरामी छन् । मगरको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।
टिप्पणी
