सन्धिखर्क नगरपालिका वडा नम्बर १ ले ड्रागन फलका विरुवा वितरण गरेको छ । वडा भित्र रहेका टोल सुधार समितिहरु लाई लक्षित गरि झन्डै ६ सय ५० वटा ड्रागन फ्रुटका विरुवा वितरण गरिएको वडा अध्यक्ष माधव श्रेष्ठले जानकारी दिए ।
फलहरुमा सबैभन्दा बढी खनिज तथा पौष्टिक तत्व पाईने साथै घरको छतमा समेत लगाउन सकिने भएकोले ड्रागन फ्रुटका बिरुवा वितरण गरिएको अध्यक्ष श्रेष्ठले बताए । एक कार्यक्रमको आयोजना गरि बिरुवा वितरण गरिएको हो । कार्यक्रममा वडा सदस्य तथा सरोकारवालाहरुको सहभागीता रहेको थियोे ।