९ फाल्गुन २०८०, बुधबार
९ फाल्गुन २०८०, बुधबार

चुनावी नारामा सीमित नौमुरे जलविद्युत् आयोजना

अर्घाखाँची र प्युठानको सिमानामा रहेको नौमुरे जलविद्युत आयोजनालाई यस क्षेत्रका नेताहरूले चुनावी नाराका रूपमा प्रयोग गर्दै आएका छन् । तीन महिना लामो समय खर्चेर २०४३ सालमा सर्वेक्षण गरिएको नेपालकै नमुना नौमुरे जलविद्युत् परियोजना अहिलेसम्म पनि सञ्चालनमा आउन नसक्दा बेवारिसे बनेको छ ।

आउँदो चुनावमा अर्घाखाँचीबाट प्रतिनिधि सभा सदस्यमा नेकपा एमालेबाट टोपबहादुर रायमाझी र सत्ता गठबन्धनकातर्फबाट नेपाली कांग्रेसकी पुष्पा भुसालले उम्मेद्वारी दिएका छन् । उनीहरूमात्रै होइन, यस क्षेत्रका धेरै नेताले नौमुरे जलविद्युत् आयोजनालाई चुनावी नारा बनाउने गरेका छन् ।

अर्घाखाँचीबाट टोपबहादुर रायमाझी ऊर्जामन्त्री पनि भए । उनले काम सुरु हुन्छ भन्दै हेलिकप्टरमा चढेर नौमुरेमा पुगी तामझामका साथ शितगंगा नगरपालिका वडा नम्बर ७ लामातालमा नौमुरे बहुउदेश्यीय आयोजनाको कार्यालय उद्घाटन गरे । कार्यालयमा कर्मचारी पनि भर्ना भए । तर अहिले कार्यालय महिनौँदेखि बन्द छ । भर्ना गरिएका केही कर्मचारी अहिले रोजगारीका लागि विदेश पुगेका स्थानीयवासी लालबहादुर राउतले बताए । ‘बजेट नै नआएको कार्यालय खोलेर हामीलाई चुनावमा मात्र प्रयोग गर्न खोजे’, उनको गुनासो थियो ।

जुन पार्टीको नेता लामाताल पुगे पनि आफ्नो पार्टीलाई जिताए नौमुरे जलविद्युत् आयोजना सञ्चालन गर्ने र रोजगारी सिर्जना गर्ने आश्वासन बाँड्द आएका छन् । तर सत्तामा पुगेपछि यसतर्फ कसैको ध्यान पुग्न नसकेको स्थानीयवासी झकबहादुर राउतको गुनासो छ ।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?