भुमिकास्थान नगरपालिका भित्रका योजना सम्झौता अन्तिम चरणमा, समयमा काम सक्न उपभोक्तालाई आग्रह
सेवाग्राहीलाई छिटोछरितो तथा सहज सेवाका लागी भुमिकास्थान नगरपालिकाले सञ्चालन गरिरहेको घरदैलोमा योजना सम्झौता अन्तिम चरणमा पुगेको छ । नगरपालिकाले वडाबाटै योजना सम्झौता गरिदिएपछि उपभोक्तालाई सहज भएको छ । भुमिकास्थान नगरपालिकाको कार्यालयबाट विनियोजन भएका नगरस्तरीय योजना र वडाबाट छनौट भएका वडास्तरीय योजनाको सम्झौता सम्बन्धित वडाबाटै गरिएको प्रमुख प्रशासकीय अधिकृत नारायण प्रसाद पोख्रेलले जानकारी दिएो ।
एकैदिन सम्झौता गर्दा काम समयमै र छिटोछरितो सम्पन्न गर्न सकिने, उपभोक्ता समितिलाई सहज हुने, योजना सम्झौताका लागि नगरपालिका कार्यालयसम्म धाइरहनुपर्ने अवस्थाको अन्त्य हुने र सही उपभोक्ता पहिचान गर्नमा सघाउ पुग्ने मुख्य उद्देश्यले वडा–वडामै योजना सम्झौतालाई अभियानको रूपमा अगाडि बढाइएको योजना शाखा प्रमुख हरिश्चन्द्र भुसालले बताए । समयमै योजना सम्पन्न गर्न तथा तोकिएका कागजात लिएर भुक्तानी लैजान उनले आग्रह गरेका छन् ।
नगर र वडाले छनौट गरेका योजनाको एकैदिन सम्बन्धित वडाबाटै सम्झौता गरिएको उहाँले बताउनुभयो । भुमिकास्थान नगरपालिका वडा नम्बर–१ र २ ढाकावाङ्गका योजना हिजो एकै दिन सम्झौता भएका छन् । कार्यक्रममा नगर प्राविधिक जिवन थापा सेन्चुरी कमर्सियल बैंकका शाखा प्रबन्धक सुरज कंडेल लगायतको उपस्थिती रहेको थियो ।
कार्यक्रम वडाध्यक्ष बुद्घी बहादुर थापाको अध्यक्षता, प्रमुख प्रशासकिय अधिकृत नारायण प्रसाद पोख्रलको प्रमुख आतिथ्यता, वडा सचिव प्रकाश नेपालीको स्वागत मन्तव्य तथा शेषकान्त घिमिरे ‘ओशन’ को सञ्चालनमा सम्पन्न भएको हो ।
