ट्विटरकाे प्रमुख कार्यकारी पदबाट राजीनामा दिने एलन मस्कको संकेत
ट्विटरका प्रमुख कार्यकारी अधिकृत (सीईओ) एलन मस्कले जतिसक्दो छिटो पद छाड्ने संकेत गरेका छन् । ट्वीट गरेर उनले सकेसम्म छिटो राजीनामा दिने बताए।
ट्विटर खरिदपछि आफैं प्रमुख कार्यकारी अधिकृत सीईओ बनेका मस्कले यसअघि ‘के म ट्विटरको प्रमुख पदबाट हट्नुपर्छ ?’ भनेर प्रश्न राख्दै हो वा होइनमा क्लिक गर्न आह्वान गरेका थिए । ट्विटरका एक करोड ७५ लाख प्रयोगकर्ताले मतदान गरेकामा ५७ दशमलव ५ प्रतिशतले अलग हुनुपर्छ भनेर मत दिएका थिए । हुनु पर्दैन भन्ने पक्षमा ४२ दशमलव ५ प्रतिशत मत परेको थियो ।
अलग हुनुपर्छ भन्नेमा धेरै मत परेपछि उनले सीईओ पदबाट राजीनामा दिने संकेत गरेका हुन् । याेसँगै उनले ट्विटरकाे सफ्टवेयर र सर्भर टिममा जाेडिने बताए। मस्क कार निर्माता टेस्ला र रकेट फर्म स्पेसएक्सका समेत मालिक छन् ।
अक्टोबर २७ मा ट्विटरको प्रमुख भएदेखि मस्क बारम्बार विवादमा आइरहेका छन् । कम्पनीका आधा कर्मचारीलाई बर्खास्त गरेको, पत्रकारहरूलाई प्रतिबन्ध लगाएको र पहिले निः शुल्क सेवाहरूको लागि अहिले शुल्क लिन खोजेपछि उनि विवादित छन् ।
