ओली निवास बालकोटमा प्रचण्ड

सरकार गठनबारे छलफल गर्न नेकपा माओवादीका केन्द्रका अध्यक्ष पुष्पकमल दाहाल प्रचण्ड नेकपा एमालेका अध्यक्ष केपी शर्मा ओलीको निवास बालकोट पुेगेका छन् । प्रचण्ड सरकार गठनबारे छलफल गर्न पार्टीका नेताद्वय नारायणकाजी श्रेष्ठ र देव गुरुङसहित ओली निवास बालकोट पुगेका छन् । अहिले उनिहरू छलफलमा छन् ।

आजै बिहान बालुवाटारमा बसेको सत्ता गठबन्धनको बैठक विना निष्कर्ष सकिएपछि प्रचण्ड बालकोट पुगेका हुन्। नेकपा विभाजनपछि प्रचण्ड पहिलो पटक बालकोट पुगेका हुन्। अहिले एमाले, माओवादी, राष्ट्रिय स्वतन्त्र पार्टी (रास्वपा) र जनता समाजवादी पार्टी (जसपा) का नेताहरूको बैठक बालकोटमा सुरु भएको छ ।

यसअघि राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले पनि ओलीसँग भेट गरेका थिए ।