अर्घाखाँची । लुम्बिनी प्रदेश सभा सदस्य रामजीप्रसाद घिमिरेले गुणस्तरीय शिक्षा नै आजको महत्त्वपूर्ण आवश्यकता रहेको बताएका छन् ।
शुक्रबार पाणिनी गाउँपालिका-४ पटौटीमा रहेको देवी प्रभाव माध्यमिक विद्यालयमा आयोजित ६४ औं वार्षिकोत्सव तथा अभिभावक दिवस-२०७९ लाई सम्बोधन गर्दै सामुदायिक शिक्षा सुधार सरकारको दायित्व रहेको बताए ।
उनले कुनै पनि बालबालिकालाई शिक्षाको ज्योतिबाट बन्चित नगराउन तीनै तहका सरकार लाग्नुपर्नेमा जोड दिए ।
घिमिरेले मुलुकको समग्र विकासका लागि पहिले शिक्षामा सुधार गर्नुपर्ने औँल्याउँदै शिक्षा सुधारमा प्रदेश सरकार गम्भीर रहेको उल्लेख गरे । ‘मुलुकको समग्र विकासको लागि पहिलो कुरा शिक्षामा सुधार गर्नुपर्छ,’उनले भने,’शिक्षाको गुणस्तर सुधारमा प्रदेश सरकार गम्भीर छ ।’
घिमिरेले स्रोत र साधनको अभावका बिच पनि सामुदायिक विद्यालयको नतिजा सन्तोषजनक रहेको बताए ।
