९ फाल्गुन २०८०, बुधबार
९ फाल्गुन २०८०, बुधबार

सांसद चेतनारायण आचार्य जलस्रोत व्यवस्था मत्री बन्ने संभावना

लुम्बिनी प्रदेशमा सत्ता साझेदार दलहरुबीच मन्त्रालय भागबण्डा टुंगो लागेको छ । मन्त्रालय बाँडफाँट टुंगो लागेसँगै आइतबार दिउँसो १ बजे मन्त्रीहरुको सपथ ग्रहण कार्यक्रम तय भएको छ ।

२७ पुसमा मन्त्री बनेका अर्घाखाँचीका चेतनारायण आचार्यले जलस्रोत व्यवस्था मन्त्रालयको जिम्मेवारी पाउने लगभग निश्चित भएको छ । यसअँघी शंकर पोखरेल नेतृत्वको सरकारमा उनी आन्तरिक मामिला मन्त्री भईसकेका छन् ।

सत्ता साझेदार दलहरुबीच शुक्रबार भएको सहमति अनुसार नेकपा एमालेले मुख्यमन्त्रीसहित ५ मन्त्रालय पााउने भएको छ । तर जनता समाजवादी पार्टी (जसपा) सरकारमा आउन चाहे एमालेले पाएको एउटा एउटा मन्त्रालय उसलाई दिने समझदारी छ । माओवादी केन्द्रले तीन मन्त्रालय पाएको छ । जनमत र राप्रपालाई एकरएक मन्त्रालय दिने गरी टुंगो लागेको छ ।

मुख्यमन्त्री निकट स्रोतका अनुसार एमालेबाट ग्रामीण तथा शहरी विकास, कपिलवस्तुका विष्णु पन्थी स्वास्थ्य, बाँकेका दुर्गाप्रसाद चौधरी सामाजिक विकास र प्यूठानका तुलसीराम शर्मा कृषि तथा सहकारीमन्त्री बन्ने लगभग पक्का भएको छ ।

माओवादी केन्द्रले आर्थिक मामिला मन्त्रालय, आन्तरिक मामिला, कानुन तथा संचार मन्त्रालय र भौतिक पूर्वाधार विकास मन्त्रालय पाउने भएको छ । माओवादीबाट आर्थिक मामिला मन्त्रालयमा संसदीय दलका नेता जोखबहादुर महरा जाने सम्भावना छ । कृष्णा केसी पुस २७ गते नै विना विभागीय मन्त्री नियुक्त भएकी थिइन् । माओवादीबाट एकजना मन्त्रीको टुंगो लाग्न बाँकी छ ।

नेताहरुका अनुसार रोल्पाका दीपेन्द्र पुन, दाङका इन्द्रजित थारु र धनबहादुर मास्की मन्त्री बन्ने दौडमा छन् । राप्रपाले यातायात, उद्योग, पर्यटन तथा भुमि व्यवस्था मन्त्रालय पाउने भएको छ भने जनमत पार्टीले वन तथा वातावरण मन्त्रालय पाउने भएको छ ।

राप्रपाबाट कपिलवस्तुका जानकीप्रसाद यादव र जनमत पार्टीबाट चन्द्रकेश गुप्ता मन्त्री बन्दै छन् । यादव कपिलवस्तु ३ ९२०बाट र गुप्ता रूपन्देही ५ ९२०बाट निर्वाचित हुन् । पुस २७ गते मुख्यमन्त्री बन्दा प्रदेशसभामा रहेका १० दल मध्ये ७ दलका ५६ र २ स्वतन्त्र गरी ५८ प्रदेशसभा सदस्यले समर्थन गरेका थिए ।

सरकारलाई समर्थन गरेको नागरिक उन्मुक्ति पार्टी भने तत्काल सरकारमा नजाने भएको छ । मुख्यमन्त्री निकट स्रोतका अनुसार सरकारमा आउन चाहे जसपालाई हाल एमालेको भागमा परेको एउटा मन्त्रालय दिइने छ । लोसपालाई भने विषयगत समिति मात्र दिने गरी तयारी छ ।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?