माेटरसाईकल दुर्घटना गरी फरार भएका एक युवक सिसि क्यामेराले पत्ता लागेको छ। सिसि क्यामेराको फुटेज र लोकेसन ट्रयास गरे पछि फरार भएका ब्यक्ति पक्राउ परेका हुन्।
गत फागुन १ गते पुर्व पश्चिम राजमार्ग अन्र्गत कपिलवस्तुको गोरुसिंगे– चार नम्बर सडक अन्र्गत बाणगंगा नगरपालिका वडा नम्बर खारखानी पानीधारामा मोटरसाईलले एक महिलालाई ठक्कर दिई फरार भएका एक युवक सिसि क्यामेराको सहयोगले घटनाको ५ दिन पछि पक्राउ परेका छन्।
बुद्धभुमी नगरपालिका वडा नम्बर ४ बुढ्ढीका लु ८८ प ६९९१ नम्बरका मोटरसाईकल चालक २४ वर्षिय कृष्णप्रसाद सुनार पक्राउ परेका हुन्। सुनारले चलाएका सो मोटरसाईकलले ठक्कर दिदा बाणगंगा नगरपालिका– ८ त्रिलोकी मार्गकी ५१ वर्षिया कमला घिमिरे गंभीर घाइते भएकी थिइन्।
चार नम्बर स्थित सामुदायिक अस्पतालमा उपचारको क्रममा उनको मृत्यु भएको थियो। घटना पछि सुनार फरार थिए। ईलाका प्रहरी कार्यालय गोरुसिंगेका प्रहरी निरीक्षकको टोलीले गोरुसिंग देखि खारखानी सम्मको सिसि फुटेजको जाच र सो दुरीमा मोटरसाईकल पुग्न लाग्ने समयको यकिन गरी आरोपीलाई पक्राउ गरिएको प्रहरी नायब उपरिक्षक मीन बहादुर घलले बताए। पक्राउ परेको युवकमाथी सवारी ज्यानको मुद्दा चलाई आवश्यक कारबाही प्रकृया अघि बढाइएको उनले बताए।