मंगलबार राती युवकको ढुङ्गाले हानेर हत्या गरेको अभियोगमा प्रहरीले अर्घाखाँचीका एक जना सहित ३ जनालाई पक्राउ गरेको छ ।
रुपन्देहीको सैनामैना नगरपालिकामा एक युवकको ढुङ्गाले हानेर हत्या भएको छ । हत्या भएको व्यक्तिको सनाखत नहुदै प्रहरीले घटनामा संलग्नहरु ३ जनालाई नियत्रणमा लिएर अनुसुन्धान अगाडी बढाएको छ । युवकको हत्या गरी लुकिछिपी बसेका उनीहरुलाई सैनामैनाका विभिन्न ठाउँबाट प्रहरीले नियत्रणमा लिएको हो ।
पक्राउ पर्नेमा अघाँखाची घर भई सैनामैना २ बस्ने ध्रुब बिसी, सैनामैना नगरपालिका २ बस्ने शिशिर थारु र नवलपरासी बर्दघाट घर भई सैनामैना बावरी होटलमा काम गर्ने सन्दिप भन्ने शेर बहादुर बोहोरालाई प्रहरीले प्रकाउ गरेको हो ।
प्रहरी स्रोतका अनुसार घटना हुने कारण मृतकसंग नगद भएको र उक्त नगद लुटने योजनामा युवकको हत्या भएको हुन सक्ने प्रारम्भिक अनुसन्धान रहेको ईलाका प्रहरी कार्यालय बुटवलका प्रहरी नायव उपरिक्षक दान बहादुर थापाले बताए । होटलमा केही बिवाद भएपछी ३ जना मिलेर हत्या गर्ने उद्देश्य सहित माथि एकान्तमा लगेर कुटपिट गरी ढुङ्गा र बोतलले टाउकोमा हानेर हत्या गरेको प्रहरीले जनाएको छ ।
प्रकाउ परेका उनिहरुमाथि थप अनुसाधान जारी छ । बुधबार बिहान स्थानीयले खेतमा लाश देखेपछि इलाका प्रहरी कार्यालय रन्यौरालाई खबर गरेका थिए । खबर पछि प्रहरी घटनास्थल पुगेको थियो ।
प्रहरीले पत्रकार सम्मेलनमा हत्या गरिएका व्यक्तिको अझै सनाखत हुन नसकेको भन्दै घटना स्थलमा फेलापरेको सवको प्रकृति र उन्ले लगाएको पहिरन वारे जानकारी गराएको छ । मृतकले कालो जिन्सपाईन्ट, कालो सेतो रंङको जुता खेरो मोजा, दाया हातमा डोरो बाधेको उचाई करिब ५ फिट ३ ईन्च रहेको अन्दाजी ४० वर्षिय मंगोलियन अनुहारको पुरुष रहेकोले कोही आफन्तको यस्तो हुलिया भएको व्यक्ति हराएको भए नजिकको प्रहरी कार्यालय वा बुटवल ईलाका प्रहरी कार्यालयमा सम्पर्क गर्न प्रहरीले आग्रह गरेको छ ।