१ असार २०८१, शुक्रबार
१ असार २०८१, शुक्रबार

नक्कली भुटानि शणार्थी प्रकरण : आइजिपीसँग चार घन्टा छलफल

प्रहरीले आइतबार बुझाउने भनिएको अनुसन्धान प्रतिवेदन अचानक रोकिएको थियो।शनिबार नै तयार भएको अनुसन्धान प्रतिवेदनमा प्रहरी महानिरीक्षक वसन्त कुँवर, महान्यायाधिवक्ता दीनमणि पोखरेलले चासो राखेपछि रोकिएको हो। प्रहरी उच्च स्रोतका अनुसार आइतबार बिहान जिल्ला प्रहरी परिसर काठमाडांैमा आइजिपी कुँवर, महान्यायाधिवक्ता पोखरेल, एआईजी श्याम ज्ञवाली, परिसर प्रमुख एसएसपी दानबहादुर कार्की, उपत्यका अपराध अनुसन्धान कार्यालयका प्रमुख एसएसपी मनोज केसीको संयुक्त बैठक बसेको थियो। त्यसक्रममा उच्च राजनीतिक दबाब रहेको र अनुसन्धान प्रतिवेदनलाई केही हेरफेर गर्न आग्रह गरिएको थियो। तर प्रहरी परिसर काठमाडौंका एसएसपी कार्कीले त्यसमा हेरफेर हुन नसक्ने जनाएका थिए।

‘प्रतिवेदनमा कुनै हेरफेर हुँदैन, प्रहरीले अनुसन्धान प्रतिवेदन बुझाएपछि जे गर्नु छ उतै गर्नुहोला,’ एसएसपी कार्कीले भनेका थिए। त्यसपछि अनुसन्धान प्रतिवेदन जस्ताको तस्तै सरकारी वकिलको कार्यालयमा बुझाउने सहमति भएको थियो। प्रहरीको अनुसन्धानका विषयमा जानकारी लिन भन्दै आइजिपी आफैं परिसर पुगेका थिए। साथै महान्यायाधिवक्ता पोखरेल पनि आइजिपीसँगै गएका थिए।

‘प्रहरीलाई राजनीतिक दबाब थेग्न कठिन भइरहेको छ, अनुसन्धान हुँदै गरेको विषयमा परिसर प्रमुखले गृहमन्त्री, आइजिपी तथा महान्यायाधिवक्तालाई आफैं गएर ब्रिफ्रिङ गर्ने चलन छ तर परिसरमै आइजिपी र महान्यायाधिवक्ता आउनुले त्यसमा शंका गर्ने ठाउँ छ,’ उपत्यका प्रहरी कार्यालयका एक अधिकारीले भने। उनका अनुसार करिब चार घन्टा परिसरमा आइजिपी, महान्याधिवक्ता र एआइजीसहित परिसर प्रमुख एसएसपी दानबहादु कार्की र अपराध अनुसन्धान कार्यालयका एसएसपी डा. मनोज केसीबीच छलफल भएको थियो। उच्च राजनीतिक व्यक्तिहरू यो प्रकरणमा मुछिएपछि सर्वत्र चासो बढिरहेका बेला प्रहरी अनुसन्धान प्रतिवेदन प्रभावित पार्न खोजेको आशंका गरिएको छ।

तपाईको प्रतिक्रिया
  • खुसी (100%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?