साफ च्याम्पियनशिप फुटबलको सेमिफाइनलमा आज कुवेत र बंगलादेश तथा भारत र लेबनान खेल्दै छन् । पहिलो सेमिफाइनलमा कुवेत र बंगलादेशबीचको खेल दिउँसो सवा ३ बजे तथा दोस्रो सेमिफाइनलमा घरेलु टोली भारत र लेवनानबिच बेलुका पौने ८ बजे खेल हुनेछ ।
गोलअन्तरका आधारमा कुवेत समूह ‘ए’ को विजेता तथा भारत उपविजेता बन्दै सेमिफाइनलमा पुगेको हो । त्यस्तै समूह ‘बी’ बाट लेबनान विजेता र बंगलादेश उपविजेता बनेर सेमिफाइनल खेल्न लागेको हो । सन् २००९ पछि बंगलादेश पहिलो पटक साफ च्याम्पियनशिपको अन्तिम चारमा पुग्न सफल भएको हो । साफ च्याम्पियनशिप भारतको बेंग्लोरमा चलिरहेको छ । फाइनल खेल जुलाई ४ तारिख अर्थात् आउँदो असार १९ गते हुनेछ ।