नेदरल्यान्ड्स यो वर्षको अक्टोबर-नोभेम्बरमा भारत हुने एकदिवसीय विश्वकपका लागि छनोट भएको छ।
जिम्बावेमा भएको आइसिसी विश्वकप छनोट प्रतियोगिताको महत्वपूर्ण खेलमा स्कटल्यान्डमाथि ४ विकेटको जित निकाल्दै नेदरल्यान्ड्स विश्वकपमा छनोट भएको हो।
सुपरसिक्सबाट दुई टिम विश्वकपमा पुग्ने प्रावधानअनुरुप नेदरल्यान्ड्स दोस्रो भयो। सुपर सिक्समा नेदरल्यान्ड्सले ५ खेलबाट ६ अंक जोड्दै शीर्ष दुई स्थान हात पार्यो।
चार खेलबाट ८ अंक जोडेको श्रीलंका यसअघि नै विश्वकपमा छनोट भइसकेको छ। सुपरसिक्समा पुगेका टेस्ट राष्ट्रद्वय जिम्बावे र वेस्ट इन्डिज यसअघि बाहिरिएका थिए। अर्को टेस्ट टिम आयरल्यान्ड भने समूह चरणबाटै बाहिरिएको थियो।