सकियो एसियाली खेलकुद, कुन देशले जिते कति पदक?

एसियाली खेलकुदको १९ औं संस्करण समापन भएको छ। चीनको हाङझाउमा सेप्टेम्बर २३ (असोज ५ गते) देखि सुरू भएको १९ औं एसियाली खेलकुदका सम्पूर्ण खेलहरूको नतिजा सार्वजनिक भई आज समापन भएको हो।

एसियाली खेलकुदमा कुल ४५ देशका १२ हजार खेलाडी सहभागी थिए। उनीहरूले  ४० खेलको ४८३ इभेन्टमा प्रतिस्पर्धा गरेका थिए। तीमध्ये ४१ राष्ट्रले पदक जितेका थिए। दक्षिण एसियाली मुलुकहरू भुटान, माल्दिभ्स,  यमन र टिमोर लिस्टेले पदक जित्न सकेनन्।

एसियाली खेलकुदमा चीनले सबैभन्दा बढी २०१ स्वर्णपदक जितेको छ। उसले १११ रजत र ७१ कास्य गरी ३८३ पदक जितेर शीर्षस्थानमा रह्यो। त्यस्तै, जापानले ५२ स्वर्ण, ६७ रजत र ६९ कास्य गरी १८८ पदक जित्यो। १९० पदक पाएको कोरियाले ४२ स्वर्ण, ५९ रजत र ८९ कास्य जित्यो।