१७ जेष्ठ २०८१, बिहिबार
१७ जेष्ठ २०८१, बिहिबार

जंगली च्याउ खाँदा गुल्मीमा तीन जना बिरामी

जंगली च्याउ खाँदा गुल्मीमा तीन जना बिरामी परेका छन् । च्याउ खाएर जिल्लाको इश्मा गाउँपालिका ६ बुल्मका ३९ वर्षीया सरिता कुमाल, ११ वर्षीय विमल कुमाल र ८ वर्षीया सुष्मा कुमाल बिरामी परेका हुन् ।

सोमबार जंगली च्याउ खाएर बिरामी परेका उनीहरुको पाल्पास्थित मिसन अस्पतालमा उपचार भइरहेको सरिताका श्रीमान् बिर्खबहादुरले बताए । उनका अनुसार धान काट्न खेताला गएकाहरुले च्याउ फेला पारेर ल्याएका थिए । सुरुमा पकाएर खाएकाहरु बान्ता हुने र बेहोस हुने भएपछि गाउँभर हल्ला चलेको थियो ।

आफ्नी श्रीमतीसहित छिमेकीहरु बिरामी परेपछि आफूले अरुलाई च्याउ नखान खबर गरेको उनको भनाइ छ । ‘धन्न दिउँसो पकाएर खाएछन्, रातको समयमा खाएको भए गाउँका धेरै जना खतम हुने रहेछन्’, उनले भने ।

बिरामीहरुलाई केही सुधार भएको र अझै २४ घन्टा अस्पतालमै राख्नुपर्ने डाक्टरले बताएको बिर्खबहादुरको भनाइ छ ।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?