बलिउड अभिनेता रणवीर सिंह यतिबेला फिल्म ‘सिंघम अगेन’का कारण चर्चामा छन् । पछिल्लो समय एकपछि अर्काे हिट फिल्म दिएका सिंह फिल्ममा प्रहरी अफिसर संग्राम भालेराव अर्थात ‘सिम्बा’ को भूमिका देखिन्छन् ।
निर्माण युनिटले फिल्मको पोष्टर सार्वजनिक गरेको छ । जसमा रणवीरको आकर्षक लुक्स छ । फिल्मको पोष्टर निर्देशक रोहित शेट्टीले आफ्नो आधिकारिक सामाजिक सञ्जालमार्फत बाहिर ल्याएका हुन् ।
पोष्टरमा सिंह प्रहरीको पहिरनमा देखिएका छन् । पोष्टरमा सिंहको पछाडि भगवान हनुमान समेत राखिएको छ । पोष्टरका साथ रोहितले लेखेका छन्, ‘हामी सबैको प्रिय सिम्बा फर्किएको छ ।’