१४ जेष्ठ २०८१, सोमवार
१४ जेष्ठ २०८१, सोमवार

अर्घाखाँची समाज जापानद्वारा शुभकामना आदान-प्रदान कार्यक्रम सम्पन्न

शोभाखर पन्थी ।
अर्घाखाँची । अर्घाखाँची समाज जापानले शुभकामना आदान प्रदान कार्यक्रम सम्पन्न गरेको छ ।

दीपावली , छठ र नेपाल संवतको अबसर पारी जापान टोकियो स्थित शिनओकुबोमा सम्पन्न कार्यक्रममा मन्तव्य राख्ने वक्ताहरुले आफुहरु काम विशेषले देश बाहिर बस्नु परेपनि मातृभूमिको मायाले हरपल सताउने बताए । उनिहरुले नेपालमै सबै चिज भएको भन्दै प्राकृतिक श्रोत र साधनको समुचित प्रयोग मात्र गर्न सके पनि नेपाल समुन्नत बन्ने दावी गरे । वक्ताहरुले नेपालमा आईपर्ने हरेक खालका समस्या र चुनौतीमा आफुहरुले साथ दिंदै आएको स्मरण गराउँदै आगामी दिनमा पनि नेपाल र नपालीको हितमा काम गर्ने बताए । विदेशीनु आफुहरुको रहर नभई बाध्यता भएको भन्दै उनिहरुले स्वदेमै स्वरोजगारीको अबस्था सिर्जना गर्न राज्यको ध्यानाकर्षण समेत गराए ।

यसरी मन्तव्य राख्नु हुनेमा अर्घाखाँची सकाजका अध्यक्ष दीपक थापा,सल्लाहकार ( संरक्षक ) बावुराम पौडेल,सल्लाहकार ईन्दिरा खनाल,मगर संघ जापानका अध्यक्ष रामहरी खपाङ्गी मगर लगायत हुनु हुन्थ्यो ।

कार्यक्रममा स्वदेशमा बसेर ईमान्दारी पुर्वक राष्ट्रको सेवामा समर्पित ( हाल जापान रहनुभएका ) राष्ट्र सेवक कर्मचारी नेपाल सरकारका उपसचिब खिम रानालाई सम्मान गरिएको थियो ।

सम्मानित उपसचिब रानाले यो सम्मानले आफुलाई राष्ट्र र जनता प्रति उत्तरदायी भएर थप कामगर्ने प्रेरणा मिलेको बताउनु भयो । उहाँले अर्घाखाँची समाज जापानले देश निर्माणमा पुर्याएको योगदानको मुक्तकण्ठले प्रसंसा समेत गर्नु भयो ।

समाजका उपाध्यक्ष तथा कार्यक्रम संयोजक कृष्ण केसीको अध्यक्षता, कोषाध्यक्ष टोपबहादुर घर्तीको स्वागत मन्तव्य र सचिव अर्जुन आचार्यको संचालनमा सम्पन्न कार्यक्रममा समाजका सचिव संगिता थापा, अभिनाश जिसी, दिलप्रसाद श्रेष्ठ, निरंजन खड्का, सरोज भुसाल, केशव रेश्मी, मनिष खनाल, असिम खनाल लगायतले समेत मन्तव्य राख्नु भएको थियो ।

कार्यक्रममा मौलिक देउसी भैलो तथा सोरठी गीत र नृत्य समेत प्रस्तुत गरिएको थियो ।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?