अर्घाखाँची । नेपाली कांग्रेसका क्षेत्रीय सभापति तथा पाणिनि गाउँपालिकाका अध्यक्ष अच्युत गौतमले जन्मदिनको अबसरमा नेपालको लोकतान्त्रिक आन्दोलनमा विशिष्ट योगदान पुराउने व्यक्तिहरुलाई सम्मान गर्ने भएका छन ।
जन्म दिनमा खर्च गर्ने पैसो बचाएर नेपाली कांग्रेसका नेताहरुको सल्लाहमा छिट्टै विशेष दिन पारेर लोकतान्त्रि आन्दोलनमा योगदान पुराएका व्यक्तिहरुलाई सम्मान गर्ने कार्यक्रम बनाएको अध्यक्ष गौतमले बताए ।
उनले भने “मलाई मेरो जीवन, देश र लोकतान्त्रिक संस्कारकोलागि समर्पित गर्न प्रेरणा दिनुहुने परमपूज्य माता पिताका कमल चरणमा साष्टाङ्ग दण्डवत गर्दछु । मेरो जन्मोत्सवको उपलक्ष्यमा पार्टिका बिशेष साथिहरुको सल्लाहमा कुनै बिशेष दिनको अवसर पारेर नेपालको लोकतान्त्रिक आन्दोलनमा विशिष्ट योगदान पुराउनुहुने आदरणीय ब्याक्तित्वहरुलाइ सम्मान गर्ने निश्चय गरेको छु।”