नेकपा एमाले अर्घाखाँचीले रुकुमको भुकम्प प्रभावित क्षेत्रमा श्रमदान गरिरहेको छ । नेकपा (एमाले) अर्घाखाँचीले जाजरकोट केन्द्रबिन्दु भएर गएको भूकम्प प्रभावित क्षेत्रमा १५ जना स्वयंसेवक परिचालन गरेको छ ।
उपसचिव शम्भु पोखरेलको संयोजकत्वमा अर्घाखाँचीबाट १५ जनाको टोलीले रुकुम पश्चिममा अस्थाई आवास निर्माणको काम गरिरहेको छ । २० गतेसम्म त्यहाँ काम गर्ने नेकपा एमाले अर्घाखाँचीका कार्यालय सचिव लिला बरालले जानकारी दिए ।
टोलीले पिडितहरुका अस्थायी आवास निर्माण लगायत स्वयंसेवकको रुपमा कामहरु गरेको बरालले बताए । रुकुम पश्चिमको चौरजहारी नगरपालिका वडा नम्बर ११, डाँडागाउँमा उनीहरुले अस्थाई आवास बनाउने कार्य गरिरहेका छन् । गत मंसिर पाँच गतेबाट उनिहरु भुकम्प प्रभावित क्षेत्रमा काम गरिरहेका छन् ।
