१२ जेष्ठ २०८१, शनिबार
१२ जेष्ठ २०८१, शनिबार

माओवादी केन्द्रीय समितिको बैठक : दल बदल गरेकालाई निष्कासन गर्ने निर्णय

काठमाडौं । नेकपा माओवादी केन्द्रले दल बदल गरेका स्थानीय तहका जनप्रतिनिधि र केन्द्रीय सदस्यहरुलाई पार्टीबाट निष्कासन गर्ने औपचारिक निर्णय गरेको छ ।

सोमबार भर्चुअल विधिबाट बसेको केन्द्रीय समितिको आकस्मिक बैठकले उनीहरुलाई पार्टीबाट निस्कासन गर्ने निर्णयलाई औपचारिकता दिएको हो ।

माओवादी केन्द्रबाट चुनाव जितेका र पछि एमाले प्रवेश गरेका १४ जना जनप्रतिनिधि छन् ।

यसअघि बसेको माओवादी केन्द्रको केन्द्रीय समितिको बैठकले दल त्याग गरेकाहरुलाई कारबाही गर्ने निर्णयको अधिकार अध्यक्ष प्रचण्डलाई दिएको थियो । सोही अधिकारअनुसार माओवादी केन्द्रले निर्वाचन आयोगमा कारबाहीबारे जानकारी गराएको थियो । तर, आयोगले केन्द्रीय समितिको बैठकले कारबाहीको निर्णय नभएको भन्दै दल त्यागको सूचना जारी गरेको थिएन ।

केन्द्रीय समिति बैठकमा मेलम्चीबाट सहभागी भएका केन्द्रीय सदस्य युवराज दुलाल ‘शरद’ले पार्टी त्यागेका स्थानीय तहका जनप्रतिनिधि र केन्द्रीय सदस्यहरुलाई पार्टीबाट निस्कासन गर्ने निर्णयलाई औपचारिकता दिइएको बताए ।

माओवादी नेता देव गुरुङले दल बदल गरेकाहरुलाई कारबाही गर्ने यसअघि नै निर्णय गरेकाले फेरि पनि निर्वाचन आयोगलाई ताकेता गर्ने निर्णय भएको बताए ।

पार्टीबाट हटाइएका नेताहरुकोबारेमा दल त्यागको सूचना निर्वाचन आयोगले प्रकाशित नगरेको भन्दै आइतबार माओवादी केन्द्रका नेताहरुले आयोग पदाधिकारीलाई भेटेर ध्यानाकर्षण गराएका थिए ।

यी हुन् माओवादी केन्द्रबाट निस्कासित भएका जनप्रतिनिधिहरु

क्र.सं. पद नाम स्थानीय तह
१. प्रमुख रिना कुमारी साह मौलापुर न.पा. रौतहट
२. प्रमुख सियाराम कुशवाहा कटहरिया न.पा. रौतहट
३. उप्रमुख परनिया देवी देवाही गोनाही न.पा. रौतहट
४. उप्रमुख गौरिशंकर जयसवाल मौलापुर न.पा. रौतहट
५. उप्रमुख कान्ती देवी फतुवाविजयपुर न.पा. रौतहट
६. उपप्रमुख सिमल साह मानवनारायण न.पा. रौतहट
७. उपाध्यक्ष गितादेवी साह यमुनामाई गा.पा. रौतहट
८. नगर का.पा. सदस्य सतमीलाल दास ताती लहान न.पा. सिरहा
९. अध्यक्ष शेष फारुक सम्सी गा.पा. महोत्तरी
१०. उपप्रमुख छायाँ देवकोटा भजनी न.पा. कैलाली
११. वडाध्यक्ष भागिरथी विष्ट गौरीगंगा न.पा.–४, कैलाली
१२. वडाध्यक्ष शर्मानन्द भट्ट गोदावरी न.पा.–१, कैलाली
१३. वडाध्यक्ष पुरन विसी बर्दगोरिया न.पा.–४, कैलाली
१४. वडाध्यक्ष सुरेश कुमार थापा चम्पादेवी गा.पा.–१, ओखलढुंगा
तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?