१ साउन २०८१, मङ्लबार
१ साउन २०८१, मङ्लबार

लकडाउन खुकुलो भएसँगै बेलायतमा कोरोना संक्रमण दर फेरी बढ्यो, भारतमा घट्दै

एजेन्सी । बेलायतमा एकैदिन ३७ हजारभन्दा बढी व्यक्तिमा कोरोना भाइरसको सङ्क्रमण देखिएको छ । केही दिनयता बेलायतमा कोरोना सङ्क्रमित थपिने क्रम बढ्दै गएको छ ।

यहाँ गएको २४ घण्टामा ३७ हजार ११ जना कोरोना भाइरसका नयाँ सङ्क्रमित थपिएका बताइएको छ । यो समेत गरी बेलायतमा ६९ लाख ७८ हजार ६२ जना सङ्क्रमित पुगेका छन् । पछिल्लो २४ घण्टामा ६८ जनाको कोरोनाकै कारण मृत्यु भएको बताइएको छ । यहाँ पछिल्ला केही हप्तामा सङ्क्रमितहरु थपिने र मृत्यु हुनेको सङ्ख्या पनि बढेको छ ।

पछिल्लो समयमा लकडाउन खुला गरिएका कारण भाइरसको सङ्क्रमण बढ्दै गएको पाइएको छ । यता, भारतमा भने कोरोनाभाइरसका दैनिक सङ्क्रमितहरुको सङ्ख्यामा फेरि कमी आएको छ । पछिल्लो समय केरला राज्यमा दैनिक सङ्क्रमितहरुको सङ्ख्या एकाएक बढेपछि देशभरीको सङ्ख्यामा वृद्धि देखिएको थियो ।

यसअघि दैनिक ४० हजारभन्दा बढी सङ्क्रमितहरु थपिने गरेकामा अहिले घटेर ३८ हजार पुगेको अधिकारीहरुले बताएका छन् । भारतमा पछिल्लो २४ घण्टामा ३८ हजार ९४८ जना नयाँ सङ्क्रमित थपिएका छन् । ती मध्ये केरला राज्यमा मात्रै २६ हजार ७ सय १ जना सङ्क्रमित छन् ।

भारतमा अहिलेसम्म कुल सङ्क्रमितहरुको सङ्ख्या तीन करोड ३० लाख २७ हजार ६२१ पुगेको बताइएको छ । पछिल्लो ७१ दिनदेखि भारतमा दैनिक सङ्क्रमितको सङ्ख्या ५० हजारभन्दा कम हुदै आएको छ ।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?