१ साउन २०८१, मङ्लबार
१ साउन २०८१, मङ्लबार

अफगानिस्तानमा मानव अधिकार उलंघनबारे छानबिन गर्न संयुक्त राष्ट्रसंघ समक्ष माग

अफगानिस्तानको विघटित सरकारका राजदूतले तालिबान समूहबाट भएको मानव अधिकार उल्लङ्घनबारे छानबिन गर्न संयुक्त राष्ट्रसंघको मानव अधिकार परिषद् समक्ष आग्रह गरेका छन ।

विघटित सरकारले राष्ट्रसंघका लागि नियुक्त गरेको अफगानिस्तानका स्थायी प्रतिनिधि नाशिर अहमद अन्दिशाले तालिबान समूहबाट भएको मानव अधिकार हनन र दुर्व्यवहारको तुरुन्त छानविन गर्न आग्रह गर्नुभएको अन्तर्राष्ट्रिय सञ्चारमाध्यमले जनाएका छन् ।

गएको महिना तालिबानी समूहले अफगानिस्तानको राजधानी काबुल कब्जा गरेको थियो । राजदूत अन्दिशाले जेनेभामा भएको राष्ट्रसंघको कार्यक्रममा तालिबान समूहबाट विशेष गरी महिला तथा बालिकाहरूमाथि दुर्व्यवहार भएको भन्दै ध्यानाकर्षण गराए । यस्तै उनले पञ्जशिर उपत्यकामा पनि राष्ट्रसंघको टोली पुग्नुपर्नेमा जोड दिएका छन ।

अफगानिस्तानमा तालिबान सरकार गठन भए पनि राजदूत अन्दिशालाई स्वदेश फिर्ता बोलाइएको छैन ।

यसअघि संयुक्त राष्ट्रसंघका अधिकार प्रमुख मिचेल बाचेलेट र युरोपेली युनियनले पनि राष्ट्रसंघको मानव अधिकार परिषद्लाई अफगानिस्तानमा भएको मानव अधिकार हनन्का घटनालाई लिपिवद्ध गर्न उच्च संयन्त्र बनाउन माग गरेका थिए ।

 

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?