दर्शकले चर्चित हाँस्य टेलिश्रृंखला ‘सक्किगोनी’को नयाँ श्रृंखला अब हाइलाइट नेपालको च्यानलबाट हेर्न नपाउने भएका छन् । निर्माण युनिट र हाइलाइट नेपाल बीचको सम्झौता बुधबारबाट सकिएपछि ‘सक्किगोनी’को नयाँ श्रृंखला हाइलाइट नेपालबाट प्रसारण नहुने भएको श्रृंखलाका निर्देशक तथा कलाकार कुमार कट्टेलले जानकारी दिए ।
हिमालय टेलिभिजनबाट प्रसारण हुँदै आएको श्रृंखला टेलिभिजनपछि हाइलाइट नेपालको युट्युव च्यानलबाट समेत सार्वजनिक हुँदै आएको थियो । अब भने निर्माण युनिटको श्रृंखला उक्त युट्युव च्यानललाई नदिने भएको हो ।
श्रृंखलाका निर्देशक तथा कलाकार मध्यका एक अर्जुन घिमिरे ‘पाँडे’भने आमाको उपचारमा सक्रिय रहेको कारण केही सातादेखि श्रृंखला अभिनय बाहिर रहँदै आएका छन् ।