२९ असार २०८१, शुक्रबार
२९ असार २०८१, शुक्रबार

चीनका ३८ सैनिक जहाज आफ्नो हवाई क्षेत्रमा प्रवेश गरेको ताइवानको दाबी

चीनका ३८ वटा सैनिक जहाज आफ्नो हवाई क्षेत्रमा प्रवेश गरेको ताइवानले जनाएको छ।

चीनले आफ्नो हवाई क्षेत्र उल्लङ्घन गरेर सैनिक विमान उडाएको यो अहिलेसम्मकै ठूलो घटना भएको ताइवानले दाबी गरेको छ ।

दुई चरणमा परमाणु क्षमतायुक्त बम र जहाजसहितका चिनियाँ विमानहरु आफ्नो हवाई क्षेत्रमा प्रवेश गरेको ताइवानको रक्षा मन्त्रालयले जनाएको छ ।

चिनियाँ जहाजहरु आफ्नो हवाई क्षेत्रमा प्रवेश गरेपछि ताइवानले आफ्ना विमान उडाउनुका साथै मिसाइल प्रणाली पनि तैनाथ गरेको बीबीसीले जनाएको छ ।

चीनले ताइवानलाई आफ्नो एक प्रान्तका रुपमा लिने गरेको छ । तर ताइवान भने आफू स्वतन्त्र सार्वभौम देश रहेको बताउँदै आएको छ ।

ताइवानले विगत एक वर्षयता चिनियाँ वायु सेनाले आफ्नो टापु नजिकै यस्ता मिसनहरू सञ्चालन गरिरहेको बताउँदै आएको छ।

चीन सरकारले भने यसबारे कुनै सार्वजनिक टिप्पणी गरेको छैन।

तपाईको प्रतिक्रिया
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

सामाजिक संजाल

भर्खरै

छुटाउनुभयो कि ?